Čačak

Konačno lijepe vijesti: Nemanja, prvi izliječeni od korone dobio prinovu

21:40, 25.03.2020.
Izvor: novosti.rs
Nemanja Matić, inženjer, koji je prije nekoliko dana otpušten sa Infektivne klinike u Begradu kao izliječen od korona virusa, danas je po drugi put postao otac. Ovu lijepu vijest potvrdio je danas šef Radnog tima za praćenje širenja korona virusa u Čačku dr Mihailo Luković, infektolog i epidemiolog.

Matić se, kako se saznaje, nalazi kod kuće u Čačku sa starijim djetetom, a supruga se porodila u Beogradu. On se odmah nakon izlaska sa klinike vratio kućnim obavezama, presrećan što će u domu sačekati prinovu.

Inače, Matić je bio prvi zaraženi u gradu na Moravi, a bio je radno angažovan u kampu u Pakovraću, gdje su smješteni kineski neimari, koji rade na izgradnji auto-puta od Požege do Preljine.

Od simptoma je prvo osjetio temperaturu i bol u grlu, odmah je testiran i bio pozitivan. Nakon pet dana test je pokazao da je negativan, pa je poslije isteka izolacije otpušten kući, gdje će takođe biti u izolaciji.